Православный Церковный календарь 2023
Служба Собору Псково-Печерских святых
В Неделю 4-ю по Пятидесятнице
В субботу вечера, на малей вечерни
На Господи, воззвах: стихиры воскресны на 4, глас 3.
Слава, святых, глас 6.
Подобен: Все отложивше:
Приидите, Христолюбивых людей множество, пресвятый собор преподобных восхвалим днесь, иже во обители Псково-Печерстей подвиги мноземи угодиша Христу Богу, чудную Богоматерь славяще и в молитвах Ю присно призывающе. Темже и ныне я, всеблаженныя, величаем.
И ныне, Богородичен воскресен малыя вечерни, глас 3: Превелие чудо:
На стиховне едина стихира воскресна, глас тойже: Страстию Твоею Христе:
И стихиры подобны святых на 3:
Стихиры святых на стиховне, глас 2.
Подобен: Егда от древа:
Приидите, монашеское сословие, любовию воспоим святых собор, иже во обители Пречистыя Псково-Печерстей житием своим равноангельным, верою же и труды смиренными и Божественными дарованьми улучиша у Христа Бога спасения блага вечная.
Того ради и похвалим я достойно.
Стих: Честна пред Господем смерть преподобных Его.
Ублажим днесь лик Богоносный, преподобныя Марка, Иону и Вассу, матерь нашу, иже страну Псковскую благодатию напаявше, учением Христовым вся люди просвещаша, и Крест спасительный, яко древо жизни вечныя, в дебри Псково-Печерстей утвердивше, освятиша место сие труды и молитвами своими. Темже и Дом Пречистыя, яко рай чуден, зде явиша нам.
Стих: Блажен муж, бояйся Господа, в заповедех Его восхощет зело.
Похвалим песньми честными светоносный лик отец наших: преподобномученик двоицу Корнилия и Вассиана, яко содруги быша даже и до смерти, и Дорофея, иже образом Пречистыя Печерским на стране далече Ярославстей люди освяти; почтим и Лазаря праведна, благодати таинника. Ихже и молитвами святыми спаси, Христе, души наша.
Слава, святых, глас 1, Подобен: Небесных чинов:
Земли Псковския радование, обители Печерския крепкое предстательство, соборе святых дивный, ныне к вам вси прибегающе, молитвы приносим теплыя и любовию чтим память вашу.
И ныне, Богородичен, глас тойже: Се исполнися Исаиино проречение:
По Ныне отпущаеши и Отче наш:
тропарь воскресен, глас 3:
Да веселятся небесная:
Слава, тропарь святых, глас 4:
Днесь обитель Псково-Печерская светло празднует:
и ныне, Богородичен первый, по гласу тропаря святых.
Ектении и отпуст.
На велицей вечерни
На Господи, воззвах: стихиры на 10, воскресны 3, глас 3:
И стихира Анатолиева 1: И стихиры святых на 6:
Стихиры святых Псково-Печерских. Глас 1.
Подобен: О, дивное чудо:
Блаженна страна Псковская, и преславна чудесы обитель Печерская, имуще вас, соборе дивный, преподобнии отцы наши; веселися, Пречистыя Доме, таковыя чтуще предстатели, иже Богородицу и Мати всем милосердую за ны молят неотступно.
Темже возрадуемся и восхвалим, людие, молитвенники о душах наших. (Дважды)
Глас 2:
О, сокровища Господня, земли сокровенная, личе начальный святых Псково-Печерских, преподобнии Марко, Ионо и мати Вассо, явили есте непорочным житием вашим образ спасения уставы Богоданными, и вся полки бесовския низложили есте; темже и нас ныне от тьмы греховныя избавляете. (Дважды)
Глас тойже:
От юности Христа возлюбивый, неустанно учил еси люди вере Христовей и, яко украсил еси обитель Печерскую дивно, удобрил еси тако и душу свою, Корнилие чудный, да приимеши в чистоте и всяцей правде подвизем твоим венец уготованный, преподобномучениче достоблаженный. (Дважды)
Слава, святых, глас 6:
На земли ходивше тесною стезею и отвергшеся всех красных мира, преставилися есте, преподобнии, к Вышним, и, вшедше в покой премирный, достигли есте широты Небесныя; темже и нас, иночествующая во обители Печерстей, обогащаете сокровищем нетленным, просвещающе омраченныя наша души и язвы их исцеляюще молитвами вашими.
И ныне, Богородичен первый гласа: Како не дивимся:
Вход. Прокимен дне и чтения святых 3 (преподобническия).
На литии стихира храма: И стихиры святых 3:
На литии стихиры святых Псково-Печерских
Глас 3:
Просияша светила многосветлая во мраце пещеры Богом зданныя; озариша души своя Светом Разума, восприяша в сердца пламень Духа огненный; о, соборе святых Псково-Печерских, просветите и ны, вся люди верныя, и моленьми вашими крепкими распаляйте ны ко Господу любовию, во еже спастися и нам, воспевающим вас.
Глас 5:
Умы очищенными Пресвятой Троице предстояще, преподобнии, и Тояже славою осеняемии, вся ны просвещаете, отцы Печерстии, и за чтущия вас инок множества и люди верныя, к мощем честным вашим приходящия, Жизнодавца Христа умоляете; аще и телеси святыми своими на земли есте, душею же со Господом присно пребываете.
Глас тойже:
Путем тесным шествовали есте, отцы печерстии, и в делех ваших явили есте сей, имже добре ходящии о Христе в широту райскую вводими бывают, светолитием Христовым просвещаемии; онем же путем, преподобнии, ко Христу вся верныя приводите днесь.
Слава, святых, глас тойже. Подобен:
Радуйся, Живоносный Кресте:
Радуются вси людие вернии, и земля Псковская ликует, празднующи собор святых Печерских; их бо житием благочестным украсися Церковь Русская, юже Господь таковыми столпы утверди, да и нам подаст благодать Свою молитвами их непрестанными ко спасению душ наших.
И ныне, Богородичен воскресен стиховный, в тойже глас: Храм и дверь еси:
На стиховне стихиры воскресны, глас 3: Слава, святых, глас 1. Подобен:
Небесных чинов: Земли Псковския радование (зри на малей вечерни).
И ныне, Богородичен воскресен, глас тойже:
Се исполнися Исаиино проречение:
На благословении хлебов:
Богородице Дево (дважды).
И тропарь святых (единожды). И чтение.
Тропарь святых Псково-Печерских, глас 4:
Днесь обитель Псково-Печерская светло празднует, преподобных своих собор почитающи; просияша бо зде Богоноснии отцы, человецы же небеснии, земнии ангелы; се в Дому Твоем, о Богомати, радование и всех верниих веселие духовное, яко даровала еси, о Благодатная, пречестныя нам пред Господем заступники и молитвенники о душах наших.
Ин тропарь святых Печерских, глас 6:
Днесь собор святых Псково-Печерских почтим, в дебрех лесных чудную обитель основавших, и, яко крины райстии, добродетельми процветших, людем же правый путь Богоподобия указавших; Господа бо присно молят мир мирови даровати и душам нашим велию милость.
На утрени
На Бог Господь: тропарь воскресен гласа, дважды.
Слава, ин тропарь святых, глас 6:
Днесь Собор святых Псково-Печерских почтим:
И ныне, Богородичен воскресен, по гласу тропаря святых:
Кто Тебе не ублажит:
По кафизмах седальны воскресны от Октоиха, глас 3, с Богородичны их.
Полиелей: Хвалите имя Господне.
На полиелее величание святым Псково-Печерским:
Ублажаем вас, преподобнии отцы наши Псково-Печерстии, и чтим святую память вашу, вы бо молите о нас Христа Бога нашего.
Благословен еси, Господи: Ангельский собор удивися:
Ипакои гласа от Октоиха.
По ипакои – седальны, святых – 2.
Седален, глас 1.
Подобен: Гроб Твой, Спасе:
Святых Псково-Печерских соборе достоблаженный, стено необоримая, Пресвятая Троицы полче Божественный, храните обитель свою, яко Дом Пречистыя, инокам всем верное пристанище, и молите за нас Христа Бога.
Ин седален, глас тойже. Подобен: Небо звездами:
Днесь обитель Печерская светло сияет, святых отец своих память творящи, и страна Псковская духовно торжествует, яко в ней явися собор чудный преподобных Твоих, Господи.
Слава, святых (полиелейный седален), глас 1:
Наста ныне, отцы Богоноснии, светозарный собора вашего праздник; проповедуют днесь обитель Псково-Печерская и вся Церковь Русская славу вашу, величающе вас Прославльшаго.
И ныне, Богородичен, глас тойже:
Радуйся днесь, Российская земле, яко удел Девы Пречистыя, славяще Ю, Воеводу Небесную и мира Заступницу, подающую обители Своей Псково-Печерстей от бед ограждение и велию милость.
Степенна гласа. Прокимен и Евангелие воскресны:
Аще храм святых — прокимен и Евангелие святым:
Воскресение Христово видевше:
Псалом 50:
Слава: Молитвами апостол: Аще храм – Молитвами святых Псково-Печерских:
И ныне: Молитвами Богородицы:
И стихира святых.
Стихира святых, глас 7:
Приимите ныне пение чад ваших благодарное, преподобнии отцы Псково-Печерстии, яко не оставили есте нас любовию отчею, и тою страстей наших коварства разоряете, да приимем от Господа дарования небесная, подражающе деяниям вашим Боголюбезным.
Спаси, Боже, люди Твоя:
Каноны: воскресен 3-го гласа со ирмосом на 4,
ирмос единожды: И Богородицы на 2:
И святых на 8: Катавасия: Отверзу уста моя.
Канон святых Псково-Печерских
Глас 2
Припев: Вси святии Псково-Печерстии, молите Бога о нас.
Песнь 1
Ирмос: Во глубине постла иногда фараонитское всевоинство преоруженная сила; воплощшееся же Слово всезлобный грех потребило есть, препрославленный Господь, славно бо прославися.
Светло совершаем настоящее ваше торжество и достойно почитаем вас, отцы пречестнии, преподобнии Псково-Печерстии: Марко, Ионо, Корнилие, мати Вассо, Вассиане и Дорофее, Богу угодившия и на небесех со всеми святыми прославленнии.
Ничтоже возлюбив на земли сей паче Зиждителя, прияли есте труды и подвиги любве ради Христовы. Темже и сподобилися есте наследия праведных, моляще Христа о нас, почитающих память вашу.
Приидите, инок множества, приидите, духовное сословие и людие вернии, составим лик празднующих; днесь духовная наша трапеза, днесь нам небесное радование, совершающим святую память отец наших.
Богородичен: Праведно есть хвалити Тя, мира Владычицу, яко и сему месту удельному даровала еси Небес велелепие; зде бо и храмы Ти создашася краснии, зде бо и иконы Твои чудес исполняхуся.
Мы же, веселящеся, прославляем Тя, Матерь щедрот, подающую мир обители сей и велию милость.
Песнь 3
Ирмос: Процвела есть пустыня, яко крин, Господи, языческая неплодящая церковь, пришествием Твоим, в нейже утвердися мое сердце.
Притецем ныне, вернии, первонасельника Печерскаго Марка воспоим велегласно и о благочестнем Ионе благодарне возрадуемся, яко бо их молитвами смиренными и во тьме земной пещер Богозданных излияся благодати небесныя светолитие Трисиянное.
Киими песньми священными воспрославим и тя, преподобная Вассо, яко мира сего прелести всея возгнушавшися, возжелала еси образа иноческаго, да едино ти Христу послужити; темже и венец земный брачный на небесныя славы венец пременила еси.
Кую ти достойную похвалу принесем, преподобномучениче Корнилие, аще, яко и прежде был еси нам игумен премудрый, такожде и днесь умудряеши сердца наша добре, направляюще нас ко спасению.
Богородичен: Чистоту Твою, о Богомати, сила Вышняго осени; Ты же днесь тоя благодатию нас, всякия скверны исполненных, очисти и укрепи, яко мы ко образу Успения Твоего Печерскому припадаем, взывающе сице: не остави нас, грешных, но помилуй вся молитвами преблаженных отец наших.
Кондак святых, глас 2.
Подобен: В молитвах неусыпающую:
Обитель Псково-Печерская Тя, Богородицу и Деву Чистую за вся люди умоляющи, святых своих, яко дар, Тебе днесь приносит, но Твоих даров бездну кто исповест, яко в рай возвела еси отцы наша.
Икос: Яко сад благоуханный, процвела есть обитель Псково-Печерская святыми Твоими, Господи, поминающи словеса Премудраго: Елика аще помолятся к Тебе на месте сем, и Ты услышиши на месте жилища Твоего на небеси: и сотвориши, и Милостив будеши им. Услыши и нас, Христе Боже, и милостив буди ко святей обители сей, молитвами всеблаженных отец наших, ихже и собор совершающе ныне. Богородицу Пречистую возблагодарим, яко в рай возвела еси отцы наша.
Седален святых, глас 4.
Псково-Печерская похвало, преподобных отец соборе чудный, явилися есте, яко оружницы Христовы; молитвы бо ваши, яко меч духовный, грехи наша посекающий; не престайте ходатайствовати о чтущих память вашу.
(Дважды)
Слава, и ныне, Богородичен, глас тойже:
О Дево, Мати Благая, Всепетая, мирови Покрове и Заступнице, не остави обители Псково-Печерския, якоже и во Успении мира не оставила еси, но спасай вся, на Тя уповающия.
Песнь 4
Ирмос: Пришел еси от Девы, не ходатай, ни Ангел, но Сам, Господи, воплощься, и спасл еси всего мя, человека. Тем зову Ти: слава силе Твоей, Господи.
Воспеваем днесь вас любовию, подвижницы Христовы, преподобномучениче Вассиане, преподобне отче Дорофее и старче праведный Лазаре, иже процвели есте во обители сей, яко крины райстии.
Радуйся, Церкве Российская, яко возрасте в тебе апостольское сеяние Андрееве; ста под Креста знамя ополчение иноческое, и се Земли Русския украшение – суть обители чуднии Печерстии: едина во стране Киевстей, во Псковстей же другая; и та о Бозе ликует, и сия веселится, воспевающе соборы святых своих.
Свет спасительный возсия окрест живущим – от обители Псково-Печерския; глас словес Божественных и хвалы Творцу стрясл воздух пустыни, прежде неплодныя, подвигнув вся верныя непрестанно славословити Христа Жизнодавца.
Богородичен: Богородице Дево, упование наше, моли Сына Твоего и Бога нашего сохранити от всех бед и напастей обитель сию, юже преподобный Корнилий вкупе со зде подвизавшимися созда; да вси, почерпающии помощь неоскудну от святыни ея, во вся дни ублажают Тя, Пречистую, в песнех величающе.
Песнь 5
Ирмос: Ходатай Богу и человеком был еси, Христе Боже; Тобою бо, Владыко, к Светоначальнику Отцу Твоему от нощи неведения приведение имамы.
Жития треволнения нивочтоже вменив, преподобне отче наш Марко преблаженне, в пустыню Псковскую вселился еси, и, в пещере Богозданней в подвизех мнозех сокровенно пожив, соделался еси Христа Спаса жилище; того ради и память твоя пребывает во веки.
Храня веру православную, латиняном не покорился еси, и, от Юрьева града изшед, Иоанне, иерее Бога Живаго, Пречистыя храм в горе ископал еси, возжаждав Той послужити во образе иночестем; темже и, наречен быв Иона, в души своей богатство Духа Святаго стяжал еси, преблаженне.
Егда болезнь смертная постиже тя, прияла еси образ ангельский, преподобная мати Вассо; гроб же твой по кончине изнесен бысть силою Божиею двукраты из земли, да притекают вси вернии к раце мощей твоих.
Богородичен: Вся упования наша в Тебе, Мати Дево, имуще, молим Тя, яко святых Славу и Владычицу Милосердую: даруй нам, преподобных Твоих ради, грехов оставление, и иноческому житию споспешествуй присно, подающи благодать Твою неоскудну.
Песнь 6
Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.
Явился еси, преподобномучениче Корнилие, благочестия дивный наставник и обители Печерския строитель изрядный, украсил еси ю храмы святыми, якоже и окрест воздвизал еси я, чудь просвещая; ныне же в обители пребывая Господней и Троице Пресвятей предстоя выну, моли Христа Бога спастися душам нашим.
Оболгаша тя, отче Корнилие, льстецы же злобеснии; к безумию склонися Царь грозный и смерти тя предаде; темже и освятися твоею кровию обитель Псково-Печерская и обогатишася тобою чада твоя, ту иночествующая, яко верным пред Богом заступником.
Памятуя подвиги твоя и борения и кончину от руки самодержца Российскаго, благодарная братия Псково-Печерская храм устроиша во имя твое, преподобномучениче Корнилие, в немже ныне безкровную жертву приносят, хваляще и благословяще Творца, Вседержителя.
Богородичен: Иже снабдением пскович благоверных и труды преподобных созданныя, славим пречестныя иконы Твоя, Богородице, просиявшия в обители Псково-Печерстей — Одигитрии, звезды путеводныя. Умиления и Успения чудна, и, яко Саму Тя, духовне веселящеся, лобызаем я, Христианом Похвало и спасения Утверждение.
Кондак и икос воскресны.
Песнь 7
Ирмос: Богопротивное веление беззаконнующаго мучителя высок пламень вознесло есть; Христос же простре Богочестивым отроком росу духовную, Сый благословен и препрославлен.
Времена и лета Церкве Псковския изъявил еси нам, преподобномучениче Вассиане, Корнилию Богомудрому в того летописаниих помогая изрядно, яко и делом его ревнитель быв славный; ныне же с ним во Свете Трисияннем вопиеши согласно: благословен еси Боже отец наших.
Яко благодати росу испивал еси в трудех постнических вкупе со отцем нашим Корнилием, такожде и чашу смертную испил еси с ним безвинно, Вассиане преподобномучениче; от Царя же земнаго к Царю Небесному предпосланы бысте обое, Тому вопиюще: благословен еси Боже отец наших.
О, преподобномучениче Корнилие, не остави и ныне молитвами твоими чада своя, якоже и прежде ты, защитниче страны Псковския, не оставил еси ю в нашествие Баториево, но, быв ко Пречистей теплый ходатай, пред Неюже и предстал еси в видении чуднем над Псковом градом, со святыми вопия препобедно: благословен еси Боже отец наших.
Богородичен: Показа небо Православия славу, егда явися на воздусе Мати всех верных, от нашествия же воев Баториевых Псков град и обитель Печерскую избавльши; горе бо святии со Корнилием Ю умоляху, долу же псковичи со иноки Печерстими ко образу Ея со слезами припадаху, Богу вопиюще: благословен еси, Боже отец наших.
Песнь 8
Ирмос: Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющыя: благословите, вся дела Господня, Господа.
Постнических подвигов желая сподобитися, пресельник отечества Ярославскаго стал еси, преподобне отче наш Дорофее, и, пришед во обитель Псково-Печерскую, ветхаго совлеклся еси человека, добродетелей украсився множеством; темже и избра тя Пречистая Дева пренести образ Свой светозарный из Печерских предел во страну твою отчую, да и тамо возсияет сугубне благодать Богородицы Преславныя.
Отрасле духовная обители Печерския, Богоносе смиренный Дорофее, издревле страна Псковская и страна Ярославская велику к тебе имут веру, яко в первей сам умудрися духовне, во другой же иныя умудрял еси, в пустыню твою Югскую приходящия; темже тя, Христова угодника, величаем.
Лазаре, благочестия подвижниче, равноангельным и праведным житием твоим в затворе наследник явился еси благ вечных, и яко в меру похвалы преподобных достигл еси смиренномудрия ради, такожде и нас, грешных, в покаянии смиреннейшем утверди, да и мы молитвами твоими просветимся и избавимся от сетей вражиих, отче наш преблаженне.
Богородичен: Богородицу и Матерь Света Тя присно величающе, и ныне же гласы умиленными Тя воспоим, яко даровала еси нам собор преподобных Псково-Печерских славный, едина Чистая и Благословенная.
Песнь 9
Ирмос: Безначальна Родителя Сын Бог и Господь, воплощься от Девы нам явися, омраченная просветити, собрати расточенная, тем Всепетую Богородицу величаем.
Яко не сокрыша недра подземная сокровища мощей ваших, источаете ими ток благодати, преподобнии Псково-Печерстии, и всем верным ю изливаете, омывая тоя души наша, да и мы внидем чисты ко Христа Бога трапезе и небеснаго веселия причастницы будем, ваш собор почитающе, заступницы нам всеблаженнии.
Величает вас, преподобныя своя, обитель Псково-Печерская, на Святой горе храм во имя ваше воздвигшая — яко споборником крепким в трудех и молитвах; таже и просит отцы своя умильно: молите Христа Бога оставление согрешений даровати чтущим любовию святую память вашу.
Слава, Троичен: Триипостасный Боже, Троице Живоначальная, сохраняй обитель святую сию, молитв ради преподобных ея, во вся дни до скончания века.
И ныне, Богородичен: Радуйся, Обрадованная, во Успении Твоем нас не оставляющая, но молитвы преподобных отец Псково-Печерских к Сыну Твоему приносящая, о спасении душ наших.
Светилен воскресен (ексапостиларий 4-й): Добродетельми блиставшеся.
Слава, светилен святых: И ныне, Богородичен его:
Слава, светилен святых, глас 2.
Подобен: Доме Евфрафов:
Соборе святых Печерских, Псковстей страны украшение, молитеся ко Господу о всем иночестве Российстем и о чтущих вас верою и любовию.
И ныне, Богородичен, глас и подобен тойже:
Пресвятая наша Владычице, Чистая Дево, Богородице, молит Тя обитель Печерская; окорми вся люди Твоя, иже в ней спасаются, яко Ты еси ко спасению утверждение.
На Хвалитех поем стихиры воскресны 4:
И святых 4 (стихи зри на малей вечерни).
Стихиры святых Псково-Печерских
Глас 8:
Духовными песньми преподобныя восхвалим: Марка, Иону и Корнилия, купно же Вассиана и Дорофея с материю Вассою, и Лазаря прозорливаго, схимника Печерскаго, плотское мудрование духу повинувшия, пощении и подвиги сокровенными очистившиеся; поминайте нас, память вашу чтущия, и на помощь вас призывающия.
Глас тойже. Подобен: О, Преславнаго чудесе:
О, преподобнии отцы Псково-Печерстии, равноангельное житие поживше, труды постническими и добротами духовними покорили есте телеса и души ваша Духу Божию, и, яко злато в горниле, искуси вас Христос Бог; темже и обрете вас достойны Себе и, яко всеплодие жертвенное, прият; молите о нас Господа спасти и просветити души наша.
Глас и подобен тойже:
О Преславнаго чудесе! Небесе и земли Царице, днесь собор святых Псково-Печерских совершающе, – вопием Ти, Богомати, радуйся; се отцев красота, се постников удобрение, се Сына Твоего угодницы, се предстателие за нас пред Богом благочестнии; и яко помощию Твоею таковии сташа, приими милостивно молитвы их о нас, грешных.
Глас тойже:
Преподобнии отцы Псково-Печерстии, предстоящии за ны соборне Христу Богу, утверждение всем верным будите, иже к вам припадают, глаголюще: радуйтеся, Духа Святаго обиталища прекрасная, радуйтеся, Девы Пречистыя честнии служителие, радуйтеся, мысленная светила церковная, радуйтеся, ко Христу монахов множества приведшии, и, яко имущии дерзновение ко Господу, молите Его спасти души наша.
Слава, стихира утренняя евангельская, глас 4:
Утро бе глубоко: Аще святых храм, Слава, святых: Слава, святых, глас 8:
Иже Троицы Святыя зарею просвещеннии и престолу Христа Бога выну предстоящии, преподобнии отцы Псково-Печерстии, приимите днесь сие пение хвалебное и молите Господа спастися душам нашим.
И ныне, Богородичен, глас 2:
Преблагословена еси. Богородице Дево:
Славословие великое: По Трисвятом тропарь воскресен, точию един от двою:
Ектении и отпуст:
Посем, аще в обители Печерстей бдение и аще предстоятель изволит, исходит братия в притвор ко иконе праздника: И поют стихиру храма святых.
Стихира на целование святыя иконы, глас 2.
Подобен: Жены, услышите
О, честная обителе Псково-Печерская, Доме Девы Пречистыя, ублажай днесь собор преподобных твоих, якоже верных утверждение и крепкое за вся ны предстательство: да молят Христа Бога даровати нам велию милость.
Слава, и ныне, Богородичен, тропарь на целование святыя иконы, глас 1:
Богородице, Заступнице усердная, приими молитвы раб Твоих, и яко Ты еси мирови Покров Вышний, не остави ограждением Твоим обители сея, но чадом Твоим, преподобным отцем Псково-Печерским, помогай за ны ко Господу взывати, да моленьми их непрестанными подаст мир душам нашим и велию милость.
Посем молитва: Владыко Многомилостиве:
На 1-м часе тропарь воскресен:
Слава, тропарь святых:
И ныне, Богородичен часов:
по Отче наш:
кондак святых: и отпуст.
Таже посреде храма поем стихи сии:
Утверждение на Тя надеющихся, утверди, Господи, Церковь, юже стяжал еси Честною Твоею Кровию. Под Твою милость прибегаем, Богородице Дево, молений наших не презри в скорбех, но от бед избави нас, Едина Чистая и Благословенная.
Пресвятая Богородице, спаси нас.
Вси святии Псково-Печерстии, молите Бога о нас.
На Литургии
Блаженна воскресна гласа, на 6,
и от канона святых Псково-Печерских песнь 3-я
(аще изволит предстоятель, песнь 9-я), на 4:
По входе тропарь воскресен и храма Богородицы, идеже храм Ея, и святых:
Кондак воскресен:
Слава, кондак святых:
И ныне, храма Богородицы, или:
Предстательство христиан непостыдное:
Прокимен воскресен гласа:
Святых прокимен, глас 7:
Честна пред Господем смерть преподобных Его:
Стих: Что воздам Господеви о всех, яже воздаде ми:
Апостол, ряд. и святых: к Галатом, зач. 213:
Аллилуия, святых, глас 6:
Блажен муж, бояйся Господа, в заповедех Его восхощет зело:
Стих: Сильно на земли будет семя его:
Евангелие, ряд.
Причастен прежде воскресен, таже святых:
В память вечную будет праведник, от слуха зла не убоится: Аллилуия (трижды).
Молитва
О, преподобнии и Богоноснии отцы наши: Марко, Ионо, Корнилие, Вассиане, Дорофее, Лазаре, Симеоне, Александре и мати преблаженная Вассо!
Смиренно припадаем к вам, яко праведником сущим, иже в Псковстей земли просиявше преславно, украсили есте обитель Печерскую жития вашего чуднаго звездами пресветлыми; к вам прибегаем и, с любовию хваляще днесь, предстательства просим за нас, многогрешных: умолите Господа Сил и Пречистую Его Матерь, да сохранят Российскую страну нашу мирну, утвердят в благочестии землю Псковскую и да покровом благодати Своея град сей покроют, обитель же нашу укрепят и всем подвизающимся в ней даруют спасение и Жизнь Вечную. Помозите нам, угодницы Божии, создати храм благолепен в сердцах наших и украсити сей храм добродетельми, да жительствует в нем едино Господь! Оградите нас стеною молитв всепобедных от греховных стрел врага спасения нашего и от всех его злых искушений, да Богоугодне зде на земли поживем и вечное Царство Пресвятыя Троицы унаследим, прославляюще присно Отца и Сына и Святаго Духа, ныне и в безконечныя веки.
Источник: Синодальная богослужебная комиссия
Минея дополнительная. В Неделю 4-ю по Пятидесятнице
Собор преподобных отцов Псково-Печерских / Монастырский вестник
Кондак 1
Избранныи Христовы подвижницы и крепции к Богу молитвенницы, во святей горе усердно подвизавшиися и при потоце Каменце Богоматернюю обитель основавшии, преподобнии отцы наши Марко, Ионо, Корнилие и мати Вассо, восхваляем вы любовию смиренно; вы же, яко имущии дерзновенное предстательство ко Господу, поминайте ны, во скорбех и печалех сущих, да зовем вам: Радуйтеся, преподобнии отцы наши, обители Богоматерния преславнии устроителие.
Икос 1
Ангелоподобное житие возлюбившии и суету мира отвергшии, направилися есте в дебри лесные при потоце Каменце, идеже во святей горе при триех каменех вознесоша своя молитвы к Богу, да дарует Он вечное житие в небесных обителех. Сего ради зовем вам: Радуйтеся, неложнии молитвенницы пред Богом; радуйтеся, лесные дебри молитвой облагоухавшии.
Радуйтеся, о прощении грехов слезы проливавшии; радуйтеся, подвигами вашими струи потока Каменца удивившии. Радуйтеся, и всех верных ими возвеселившии; радуйтеся, не убоявшиися страха нощнаго. Радуйтеся, в нощи греха и от нас страх изымающии; радуйтеся, молитвенницы наши пречуднии. Радуйтеся, ходатаи наши предобрии; радуйтеся, воздух молитвою вашею освятившии. Радуйтеся, сердца наша благоуханием веры напоившии. Радуйтеся, преподобнии отцы наши, обители Богоматерния преславнии устроителие.
Кондак 2
Видя Богоматернюю обитель, яко звезду сияющую и небесным сиянием освещающую путь земнаго жития нашего, прославляем труды и моления ваша преславнии первоначальницы и старцы, в обители Псково-Печерстей потрудившиися, и Богу вопием: Аллилуиа.
Икос 2
Разумевше козни, от врага спасения нашего диавола содеваемые, терпение, пощение и молитву Богу противупоставили есте, и яко нищи телом и духом, в дебри лесныя сокрылися, дондеже зверолови пришедшии разгласиша людем о тайне подвигов ваших.
Сего ради умиляющеся зовем: Радуйтеся, в терпении и смирении своем Христу Богу подражавшии; радуйтеся, у триех камней молитвы возносившии. Радуйтеся, греховное окаменение сердец молитвой удаляющии; радуйтеся, подобно Петру камнем веры ставшии. Радуйтеся, звероловами из тайн подвигов ваших изведенныя; радуйтеся, в сети добродетелей многая уловившии. Радуйтеся, теми и Христа возвеселившии; радуйтеся, устроителие тихой пристани спасения. Радуйтеся, нашего спасения непрестаннии ходатаи; радуйтеся, подвиги ваша Ангелом ликование. Радуйтеся, житие ваше грешным оплот. Радуйтеся, преподобнии отцы наши, обители Богоматерния преславнии устроителие.
Кондак 3
Силою Божиею к пустынническому житию призванный, пустынножитель старец Марк подвизашеся и сонм подвижников в святей горе собраша, и тою силою спасошася, тайной подвигов твоих Богу угождше, да потрудившеся тайно, воздаст ти Господь яве, сего ради зовем Ему: Аллилуиа.
Икос 3
Имея помысл чист и душу непорочну, блаженный отче Марко, уразумел еси суетность мира сего и непостоянство, и вечных благ вожделев, отрекся еси от мира и иноческое житие восприим.
Сего ради и восхваляем тя, славяще еже о тебе изволение Божие: Радуйся, яко земное отринув, умом твоим в небесное воспарил еси; радуйся, путь твой в небо подвигом украсил еси. Радуйся, смирения теплый стяжателю; радуйся, молитвы кадило благоприятное. Радуйся, слез покаянных неоскудный источниче; радуйся, благое иго Христово на себе возложивый. Радуйся, всего себе Богу предавый; радуйся, красоту селения Божия возлюбивый. Радуйся, приметатися в дому Божию изволивый; радуйся, яко странник и пришелец быв на земли. Радуйся, и нас не оставляяй твоею помощию. Радуйтеся, преподобнии отцы наши, обители Богоматерния преславнии устроителие.
Кондак 4
Бурею искушения и бед веры ради православныя и жития чистаго от латинян претерпевый и единаго точию на потребу ища, еже како Богу угодити, покинул еси град Дерпт, идеже ты пастырствовал еси, блаженне Ионо, и достигл еси Псковские страны, при потоце Каменце обитель Богородицы учредив, в нейже с лики иночествующих немолчно вопиял еси Богу: Аллилуиа.
Икос 4
Слышавше христоименитии людие града Пскова и веси, яко основание обители иноческия положил еси, преподобне Ионо, возрадовашеся радостию велиею, и яко Ангела Божия тя почитаху, служаще от имений своих к устроению оныя обители и вопияху тебе сице: Радуйся, веления Божия послушателю; радуйся, пастырю добрый Христова стада. Радуйся, злобою латинян за веру искушенный; радуйся, со скорбию паству свою дерптскую покинувый. Радуйся, славный сподвижниче блаженнаго пресвитера Исидора; радуйся, в страну Псковскую стопы своя направивый. Радуйся, о пещерех, Богом зданных, от изборян услышавый; радуйся, Богоматерию возлюбленный и призванный. Радуйся, в горе церковь Успения ископавый; радуйся, две келлии на столбах противу церкве устроивый. Радуйся, устроителю обители богомудрый. Радуйтеся, преподобнии отцы наши, обители Богоматериния преславнии устроителие.
Кондак 5
Богоприятная жизнь источается от тебе, о преподобне Ионо! Тую бо обретше, яко некое сокровище, супружница твоя и чада, и яко бисер многоценный слагающе в себе, на высоту добродетелей восшедше, восхвалиша Бога песнию: Аллилуиа.
Икос 5
Видя преславное житие и терпение мужа своего, не устрашилася еси трудов и подвигов, преподобная мати Вассо, и подражая житию его, поселилася еси близ обители, основанной у потока Каменца, и тамо пострижение иноческое и болезни тела приняла еси, сочетавшеся Христу, сего ради восхваляем тя похвалами сими: Радуйся, преславная сподвижнице супруга твоего; радуйся, последовавшая за ним к пещере, Богом зданней. Радуйся, первая постриженице Богородичной обители; радуйся, чада твоя благочестию научившая. Радуйся, скорби пастырския и гонения от латинян в Дерпте с супругом твоим разделившая; радуйся, в волнении духа веры не угасившая. Радуйся, пожелавшая со Христом сочетатися; радуйся, Богоматернюю обитель возлюбившая. Радуйся, погребение прияти в ней возжелавшая; радуйся, первая чудотворице обители при Каменце. Радуйся, молитвами твоими в болезнех помогаеши. Радуйтеся, преподобнии отцы наши, обители богоматерния преславнии устроителие.
Кондак 6
Проповедуя слово Божие, преподобне отче Корнилие, в стране Чудстей, многия неверным ко Христу привел еси.
Ревностию Божиею распаляем, храмы многи для чуди построил еси и, пресвитеры им даровав, указал еси им путь ко спасению, поя Богу: Аллилуиа.
Икос 6
Возсиял еси, яко звезда богосветлая, во обители Псково-Печерстей и стране Чудстей, преподобне блаженно Корнилие! От юности бо Христа возлюбив, и еще млад летами, но тверд разумом, поставлен был еси игуменом обители сея, идеже четыредесят и осьмь лет пастырствовал еси, храмы боголепны устрояя и обитель вельми украшая, сего ради зовем ти: Радуйся, юность свою Господеви предавый; радуйся, совершенство духовное во обители получивый. Радуйся, игуменом от братии достойно избранный; радуйся, жизнь святую и постническую проводивый. Радуйся, ревности ко благу обители и славе имени Христова неусыпный носителю бывый; радуйся, твердостию во искушении и непреклонностию в терпении даже и до смерти обогативыйся. Радуйся, многими храмы обитель украсивый; радуйся, крепки стены каменны воздвигий. Радуйся, и нам непрестанно помогающий воздвигати храм своея души; радуйся, ограждаяй нас, яко стеною, от греха и соблазна.
Радуйся, великий о иноцех попечителю. Радуйтеся, преподобнии отцы наши, обители Богоматерния преславнии устроителие.
Кондак 7
Хотя пречестный игумен Дорофей зрети тайну пещеры погребальныя, увиде, яко гроб, идеже лежаше мощи преподобнаго первоначальника Марка, истлеша и разсыпашася, но глава и кости невреждены бывша и токмо обвиты, яко власяницей, корением древесным, в радости восклицаше Богу: Аллилуиа.
Икос 7
Дивно и непостижимо есть! Древо гроба тлению предадеся, кости же и глава, и куколь, и одежды преподобнаго старца Марка сохранишася. Нетление бо силу Божию проповедаша и праведность жития потвердиша, сего ради и мы, суще во умилении, глаголем: Радуйся, преподобне Марко, великий наш подвижниче; радуйся, нетлением костей твоих возсиявый. Радуйся, и риз твоих бренных нетления удостоивыйся; радуйся, греховное тление молитвами твоими в нас устраняяй. Радуйся, почитати тя нас наставляяй; радуйся, благословением архиереа Псковскаго Иннокентиа по временех в новы ризы облеченный.
Радуйся, тояжде в нове гробе положенный; радуйся, добродетельное благоухание иночествующих. Радуйся, и доныне к обители любовию пламенея, охраняеши ю; радуйся, всяк бо, приходящий к тебе с верою, исцеления дары приемлет. Радуйся, неисцельныя язвы молитвою твоею исцеляющий. Радуйтеся, преподобнии отцы наши, обители Богоматерния преславнии устроителие.
Кондак 8
Странствие земное скончавшу ти, Ионо приснопамятно, иноцы обители уготовляху тя ко погребению и на теле твоем обретоша тайно носимыя тобою вериги; водрузиша их на стене противу гроба твоего, да видевшии их узрят и подвизи твои, спасения ради восприятия на ся, и благодарне Богу воззовут: Аллилуиа.
Икос 8
Вся братия обители твоея, преблаженне Ионо, со священным собором и люди со слезами и пении надгробными изнесосте, всечестне, тело твое ко гробу и погребоша тя в пещере, Богом зданней, близ храма Пресвятыя Богородицы Успения, тобою и горе ископанному и ходатайствы и труды твоими освященному, от псковских пресвитер, Живоначалъныя Троицы.
Мы же у раки с останками твоими честными вопием ти таковая: Радуйся, во благоухании святыни сном смертным опочивый; радуйся, смерть вкусивый, тления же не познавый. Радуйся, в ризу нетления благодатию Божиею облеченный; радуйся, честная рака твоя бысть врачебница всем болящим. Радуйся, яко всяк, с верою к тебе приходящий, утешение получает; радуйся, разслабленных духом крепосте и твердыня. Радуйся, христианския семьи молитвой охраняющий; радуйся, иночествующим помощниче скорый. Радуйся, купно с Марком труды обители восприявый на ся; радуйся, купно с ним же в пещере почиваяй. Радуйся, твоим духом и нас не оставляяй. Радуйтеся, преподобнии отцы наши, обители Богоматерния преславнии устроителие.
Кондак 9
Ангелии небеснии радостно прияша честную душу твою, преподобная мати Вассо! И вознесоша ю во обители небесныя, идеже Царь славы Христос Господь венча тя венцем праведничим, егоже уготова всем возлюбльшим Его, и дарова нам тебе, заступницу и молитвенницу благую, да благодарно вопием Ему: Аллилуиа.
Икос 9
Витии многовещаннии не возмогут по достоянию воспети славу, от Господа уготованную святым Его во Царствии Небеснем, еяже наследницею сподобилася еси быти, преподобная мати Вассо! Сея славы сопричастницы и нас сподоби быти святыми твоими молитвами, да воспоем ти радостно: Радуйся, ликуй в чертоге Небеснаго Домовладыки; радуйся, с небесных высот и к нам милостивно приникаяй. Радуйся, иночествующим обители молитвою помогаяй; радуйся, в сониих и видениих верным являяйся. Радуйся, кощунную руку, дерзостно коснувшуюся раки мощей твоих, отмстившая скоро; радуйся, огнем, от гроба изшедшим, того устрашившая. Радуйся, в огне добродетелей нас очищающая; радуйся, отцем и матерем нашим в старости сило. Радуйся, чадам нашим благодатная помощь; радуйся, всем, притекающим к тебе, скорое услышание. Радуйтеся, преподобнии отцы наши, обители Богоматерния преславнии устроителие.
Кондак 10
Спасти хотя иночествующих от мира, обитель твою оградою каменною с башнями и вратами железными обнесл еси, преподобно отче Корнилие, чрез ограду от греха врата в Царствие Небесное открыл еси, идеже со Ангелы ныне ликуеши и песнопоеши Бога песнею: Аллилуиа.
Икос 10
Царю Небесному себе уготовивый еще на земли, смерть от руки царя земнаго мужественне приял еси. Бысть предпослан им от жития земнаго в Царствие Небесное. Сего ради удивляющеся твоим страданием за правду и мужественней кончине, со слезами зовем: Радуйся, священномучениче преславный; радуйся, клеветы ради невинно погубленный. Радуйся, молитвою твоею от клеветы нас защищаеши; радуйся, попечением твоим от злых недругов нас охранявши. Радуйся, обитель твою присно зряй с небесных селений; радуйся, защищаяй ю непрестанно от бед и напастей. Радуйся, честною кровию твоею путь от врат обители до храма Богородичнаго Успения освятивый; радуйся, грознаго царя к покаянию обративый. Радуйся, многими дарами от него почтенный; радуйся, благодатных даров церковных и нас сподобляеши. Радуйтеся, преподобнии отцы наши, обители Богоматерния преславнии устроителие.
Кондак 11
Пение всеумиленное приносим вам, преподобнии отцы наши: Марко, Ионо, преподобномучениче Корнилие и преподобная мати Вассо! Перед ракой мощей и святым образом вашим предстояще и молящеся прилежно, яко сподобилися есте небесных обителей, тако и нас доведите вашими молитвами Царствия Небеснаго, да воспоем Богу: Аллилуиа.
Икос 11
Светоприимны светильники вас вемы, Престолу Божию предстоящи и мрак страстей и грехов наших лучами молитв разгоняющи. Озарите убо от горних высот и наша сердца, да достойно вопием вам сице: Радуйтеся, Света Троическаго зрителие; радуйтеся, мира горняго блаженнии обитателие. Радуйтеся, земныя обители звезды небесныя; радуйся, Марко, блаженный старче и первоначальниче. Радуйся, Ионо, первый обители устроителю; радуйся, и доныне храм, тобою ископанный, красуется. Радуйся, Корнилие блаженный, игумен обители сея и славный преподобномучениче; радуйся, даже до смерти мучения возлюбивый обитель свою. Радуйся, и ныне посещаеши ю твоим духом праведным; радуйся, Вассо, достойная сподвижнице супруга твоего и по смерти. Радуйся, при погребении твоем гроб твой с останками в земли оставите невосхотевшая, но на поверхность земли их дважды возносившая; радуйся, теми указавшая оставити мощи твоя на поверхности земли в пещере, Богом зданней. Радуйтеся, преподобнии отцы наши, обители Богоматерния преславнии устроителие.
Кондак 12
Благодать и милость испросите нам у Бога, преподобнии, молитвами вашими, да утвердившеся в заповедех Его, получим спасение вечное и, присно величающе вы хвалами благодарными, воспоим Богу: Аллилуиа.
Икос 12
Поюще подвиги предивнаго жития вашего и славяще чудеса, ублажаем вас, преподобнии, яко многомощных молитвенников о нас пред Господем. Вы же принесите моление теплое о нас ко Владыце, да сподобит нас Небесного Царствия Своего, вопиющих вам с любовию таковая: Радуйтеся, благодатию Пресвятого Духа приосененнии; радуйтеся, Пресвятыя Троицы служителие вернии. Радуйтеся, Ангелом собеседницы предивнии; радуйтеся, воспевающий вкупе со Архангелы и Ангелы Бога. Радуйся, Марко, жития нашего наставниче; радуйся, Ионо, пастырю преискренний. Радуйся, Корнилие, блаженный на небеси ходатаю; радуйся, Вассо, училище благочестия, добродетельми сияющее. Радуйтеся, преславнии отцы наши, в обители Псково-Печерстей просиявшии; радуйтеся, немеркнующим светом души наша озаряющии.
Радуйтеся, преподобнии отцы наши, обители Богоматерния преславнии устроителие.
Кондак 13
О преподобнии угодницы и преславнии чудотворцы: Корнилие, Марко, Ионо и Вассо! Милостивно приимите от нас сие малое моление наше, в похвалу вам возносимое, и предстоя Престолу Царя славы, умолите Его, да сохранит нас от враг видимых и невидимых, от смертоносных ран и недугов, от всяческой скорби и печали житейской, и вечнаго мучения избавит ны, вопиющих Ему усердно: Аллилуиа.
(Этот кондак читается трижды, затем икос 1 и кондак 1)
Преподобные Марк, Иона и Васса Псково-Печерские
Тропарь и кондак
Святые Марк, Иона и Васса почитаются как основатели Псково-Печерской обители.
Точно неизвестно, когда первые монахи-отшельники поселились у Каменецкого ручья в естественных пещерах холма, который местные жители называли «святым холмом». В монастырской летописи приводится рассказ очевидцев, охотников-звероловов из Изборска по прозвищу Селиши: «Пришли мы с отцом нашим на крайнюю гору, где ныне храм Богородицы, и услышали как бы церковное пение.
Из первых старцев Псково-Печерского монастыря по имени известен только Марк. Летопись говорит о нем: «Вначале некий старец жил на Каменце близ пещеры. Некоторые рыбаки видели его у трех скал над пещерой храма Пресвятой Богородицы, но не могли узнать, кто он, его происхождение, как и откуда он попал в это место, как долго он там жил и как умер».
Второй игумен Печерского монастыря идентифицирован как старец Марк в монастырском Синодике. Святитель Корнилий (память 20 февраля) усомнился в правдивости этой надписи и повелел убрать это имя из Синодика. Внезапно он тяжело заболел, и ему открылось, что это было его наказанием за то, что он приказал вычеркнуть имя святого Марка из монастырских диптихов.
Попросив прощения у могилы Старца Марка, игумен Корнилий восстановил его имя. Когда был раскопан пещерный храм Успения Пресвятой Богородицы и расширены погребальные пещеры, игумен Дорофей нашел могилу святого Марка в запущенном состоянии, но его мощи и одежды сохранились.
В 1472 году крестьянин Иван Дементьев вырубил лес на холме. Одно из поваленных деревьев покатилось вниз по склону, вырвав с корнем из земли другое дерево. Горка открыла вход в пещеру, над которой была надпись: «Пещера, построенная Богом». Существует предание, что святой Варлаам, юродивый, часто приходил в пещеру и стирал эту надпись, но она всякий раз чудесным образом появлялась вновь.
Священник Иоанн (по прозвищу Шестник) пришел на это святое место, где молились первые подвижники. Он был родом из «московских земель» и служил священником в Юрьеве (ныне Тарту) в «правоверной церкви, устроенной псковичами» и посвященной святителю Николаю и великомученику Георгию. Он и священник Исидор духовно окормляли живших там русских.
В 1470 году отец Иоанн вынужден был бежать с семьей в Псков из-за гонений со стороны немцев-католиков. Узнав о мученической кончине преподобного Исидора (память 8 января), отец Иоанн решил поселиться в новоявившейся «пещере, устроенной Богом», чтобы там, на самой границе с ливонцами, основать монастырь как форпост православия.
Вскоре заболела и умерла его жена, приняв монашеский постриг с именем Басса. Ее праведность была доказана сразу после ее смерти. Ее муж и ее духовный Отец погребли святую Бассу (память 19 марта) в стене «пещеры, устроенной Богом», но ночью ее гроб был «невидимой силой Божией взят от земли».
Отец Иоанн и исповедник святой Вассы были расстроены, думая, что это произошло из-за того, что они не совершили всей службы за усопших. Так отпевали во второй раз отпевание и снова хоронили тело. Утром, однако, его нашли над землей. Тогда стало ясно, что это знамение от Бога, и выкопали могилу святого Бассы с левой стороны пещеры. Потрясенный чудом, Иоанн принял монашество с именем Иона и еще более усердно предался духовным подвигам.
Выкопал пещерную церковь и построил две кельи на столбах, затем ходатайствовал перед духовенством Псковского Троицкого собора о ее освящении, но они пока решили этого не делать «из-за необычного расположения». Тогда святой Иона испросил благословения у архиепископа Новгородского Феофила.
15 августа 1473 года пещерный храм был освящен в честь Успения Пресвятой Богородицы. Во время освящения произошло чудо от иконы Успения Пресвятой Богородицы:
Дата освящения пещерного храма считается официальной датой основания Псково-Печерского монастыря. Преподобный Иона подвизался в Печерской обители до 1480 года, после чего мирно почил в Господе. После его смерти на его теле обнаружили кольчугу. Это было повешено над его могилой в знак его тайного аскетизма, но было украдено во время немецкого вторжения.
Мощи святого Ионы покоятся в Пещерах рядом с мощами старца Марка и святого Бассы. Однажды, когда монастырь был осажден, ливонские рыцари хотели открыть мечом крышку гроба святого Бассы, но из гроба вырвался огонь. Следы этого карающего огня до сих пор можно увидеть на гробе святой Бассы.
1 Эта икона, которую называют «старой» в отличие от другой чудотворной иконы Успения Пресвятой Богородицы со сценами Ее жития по краям, написана около 1421 года псковским иконописцем Алексеем Малым и является ныне хранится в алтаре Успенской церкви.
Топ-10 интересных фактов о Псково-Печорском монастыре
Лобусов Д.. Wikimedia Commons
Псково-Печерский монастырь — русская православная обитель, расположенная в городе Печоры на северо-западе России. Монастырь был заложен в пятнадцатом веке нашей эры и примечателен по разным причинам. Вначале это значимое потустороннее место для Русской Православной Церкви.
Кроме того, он выполнял тактические функции, являясь укреплением, защищавшим западную окраину России. В-третьих, Псково-Печерский монастырь является одним из немногих исключительных монастырей в России, которые имели возможность выполнять свои задачи во время Второй мировой войны и на протяжении всей советской системы.
Вот десять интригующих фактов о Псково-Печорском монастыре.
1. История Псково-Печерского монастыря
Свято-Успенский Псково-Печерский монастырь, часто сокращенно именуемый Псково-Печерским монастырем, а также именуемый также Печорским монастырем, находится в Печорах, городе в Псковской области.
обл. Этот город расположен примерно в 50 км к западу от Пскова и всего в паре километров от линии России с Эстонией.
Официально датой основания монастыря является пятнадцатое/28 августа 1473 года нашей эры. В этот день преподобный Иона (Шесник), устроитель монастыря, освятил храм Успения Пресвятой Богородицы, главный храм, неожиданно вписанный в склон монастырского комплекса.
Тем не менее вполне можно утверждать, что монастырь начал свою жизнь раньше, например, примерно в середине 15-го века нашей эры, когда отшельники начали жить в соседних пещерах примерно в то время.
2. В последующие годы Псково-Печерский монастырь развивался и процветал, достигнув своего расцвета при настоянии преподобного Корнилия в XVI веке н.э.
Святой колодец: Псково-Печорский монастырь. Автор Г Александрова. Wikimedia Commons
Корнилий появился на свет в 1501 году нашей эры в Пскове. Его предки, Стивен и Мари, пользовались уважением и обладали способностью дать ему всестороннее образование.
Вскоре Корнилия выслали из Псковского Мирожского монастыря, где он был отдан под руководство старосты.
Помимо выяснения того, как читать, экзамены Корнелиуса в религиозной общине включали изготовление свечей, интерпретацию и украшение оригинальных копий и рисование символов. В тот момент, когда он закончил свои исследования, Корнелий вернулся в дом своих родителей, но с твердой целью стать священником.
Однажды представитель администрации по имени Мисюр Мунехин взял Корнилия с собой в Псково-Печерский монастырь. Визит придал Корнилию такие силы, что он навсегда покинул отчий дом и получил религиозную бритву в Псково-Печерском монастыре.
3. Невероятные достижения святого Корнилия.
В 1529 году нашей эры, когда Корнилию было 28 лет, он был возведен в сан игумена (должность, подобная должности игумена), и под его руководством Псково-Печерский монастырь процветал как никогда. Это видно, например, по количеству священников, которое увеличилось с 15 до 200.
Это число не уступало ни одному другому игумену, сменившему Корнилия. Много разных свершений сделал Псково-Печерский монастырь под управлением Корнилия.
4. Одним из наиболее критических из них было превращение Псково-Печерского монастыря в центр распространения религии и информации.
Парадная лестница: Псково-Печорский монастырь. Автор Г Александрова. Wikimedia Commons
Например, святой человек сделал библиотеку для хранения композиций, выложил хронику и создал студию, посвященную полотну символов. Более того, евангелисты отправились из монастыря распространять православную уверенность среди близлежащих сету, которые тогда еще не полностью изменились в своем христианстве. Следовательно, Псково-Печерский монастырь до сих пор считается сету важным глубинным центром.
5. Говорят, что сам Корнелий совершил эти добрые дела.
Помимо обучения сету, евангелисты из религиозной общины также фабриковали храмы, приюты и приюты для бродяг и тех, кому не повезло.
Говорят, что сам Корнелий разыгрывал эти добрые дела. Согласно одной легенде, когда в Пскове поразила чума, Корнилий прогуливался по зачумленному городу, чтобы причащать живых и петь погребения для мертвых.
6. Монастырь был образцом для подражания для других.
Корнелиус внес существенные композиционные дополнения в монастырский комплекс. Церковь Благовещения и церковь Святого Николая были построены во времена Корнилия, как и каменные стены с твердынями, которые окружали и укрепляли религиозную общину. Эти осторожные проекты были построены где-то между 1558 и 1565 годами нашей эры, поскольку монастырь находился на западных границах России и постоянно находился под угрозой исчезновения незнакомых врагов. Кроме того, где-то в период с 1558 по 1583 год нашей эры Россия принимала участие в Ливонской войне, что означало, что обстановка в монастыре была значительно более небезопасной.
7. Корнилий ушел из жизни 20 февраля 1570 г. н.э.
Клавдий Лебедев. Wikimedia Commons
По обычаю, несколько завистников раскритиковали игумена перед царем Иваном Грозным.
Приняв клеветников, Иван в конце концов разгневался и отправился в Псково-Печерский монастырь на встречу с Корнилием. Узнав о явлении царя, святой человек вышел из религиозной общины с крестом навстречу ему. Иван, во всяком случае, собственноручно гильотинировал Корнелия. Царь тут же сетовал на его деятельность и перенес тело Корнилия в Успенскую церковь. Этот путь стал известен как «Нелепый путь». Сожаление царя также ясно проявляется в щедром обогащении, которое он сделал для религиозной общины после убийства Корнилия.
8. Некрополь Псково-Печерский
Коллекция Корнилия была освещена в «Богоданных пещерах», важных для религиозного сообщества. Широко распространились слухи о том, что в четырнадцатом веке нашей эры следопыты поблизости слышали небесное пение и учуяли запах, исходящий из пещер, расположенных на склоне. Обычно они верили, что в пещерах есть святые посланники.
Спустя годы пещеры открылись, когда владелец ранчо срубил дерево, упавшее со склона. В тот момент, когда владелец ранчо пошел осматривать открывшуюся пещеру, он увидел над входом гравюру со словами «Пещеры, данные Богом».
После основания Псково-Печерского монастыря пещеры использовались как некрополь для погребения священников.
Подсчитано, что в некрополе в настоящее время находятся останки примерно 10000 жрецов. Хотя сегодня пещеры открыты для пионеров и гостей, с ними нужно поболтать с ближайшим помощником.
9. Псково-Печорский монастырь в 16 веке
Крепости, построенные Корнилием, хорошо служили монастырю в 16 веке н.э., а также в последующие сто лет. Валы, литовцы, шведы и немцы когда-то шли за религиозной общиной, однако каждый раз получали отпор. Некоторые могли бы попытаться приписать стойкость монастыря божественной уверенности. Например, Корнилий разделял безопасность религиозной общины со святителем Николаем, а в конгрегации, посвященной этому святому человеку, есть деревянный символ святителя Николая Воина.
10. Религия существует и сегодня.
Ворота в сад: Псково-Печорский монастырь. Автор Г Александрова. Wikimedia Commons
Монастырь достиг успеха в 2013 году нашей эры, когда отметил 540-летие своего основания.